ღონისძიებები

კლასი : მეოთხე

მასწავლებელი: ია ლაგვილავა

მოსწავლეთა რაოდენობა: 25

სასწავლო საგნებთან ინტეგრაცია:ქართული ენა და ლიტერატურა, მე და საზოგადოება;

განხორციელების თარიღი:11.06.2024

ესგ- თან შესაბამისობა:საზ.მეც.დაწყ.(I).2. ასაკის შესატყვისი ზნეობრივი ღირებულებებისა და საზოგადოებაში მიღებული ეთიკის ნორმების (სამართლიანობა, პასუხისმგებლობა, განსხვავებულობის მიმღებლობა) გათავისება; რეალურ ცხოვრებისეულ სიტუაციებთან მათი დაკავშირება სოციუმში ადეკვატურად და ეთიკურად მოქმედებისთვის.

აქტივობის მიზანი:მუზეუმში ქცევის წესების განმტკიცება; მოსწავლეთა ზნეობრივი და კულტურული განვითარება;

სტუმრობის ადგილები:ქუთაისის სახელმწიფო ისტორიული მუზეუმი;

ქუთაისის სპორტის ისტორიის მუზეუმი

ნანახი ექსპონანტები ქუთაისის სახელმწიფო მუზეუმში: არქეოლოგიურ განყოფილებაში, რომელიც ქუთაისსა და მის შემოგარენში მიკვლეული მასალებით ივსება, ბრინჯაოს და ანტიკური ხანის უამრავი ნიმუშები, მათ შორის: კოლხური ცულები, ცხოველთა სტილიზებული გამოსახულებებით შემკული ბრინჯაოს ბალთები, ძვ. წ. VII-VI საუკუნის მამაკაცის ბრინჯაოსითიფალური ქანდაკება სოფ. ფერსათიდან, ქალის ბრინჯაოს ქანდაკება სოფ. გეგუთიდან და სხვ.ნუმიზმატური კოლექციიდან ძვ. წ. V საუკუნის ვერცხლის კოლხური დიდრაქმა, ძვ. წ. VI-III საუკუნეების კოლხური დრაქმები, ოქროს სტატერი ალექსანდრე მაკედონელის გამოსახულებით; ბერძნული, რომაული, ბიზანტიური, არაბული, ირანული და თურქული, ქართველ მეფეთა - გიორგი III-ის, თამარის, გიორგი ბრწყინვალეს მონეტები და სხვ.შუა საუკუნეების ჭედური ხელოვნების შესანიშნავი ნიმუშები: X ს-ის ვერცხლის სტავროთეკა და სამწერლობელი, ამაღლებისა და შობის გამოსახულებიანი XI ს-ის ლორფინები შორაპნიდან და მოწამეთადან, XII-XIII სს-ის მაცხოვრის ხატი მოწამეთადან; XVI-XVIII სს-ის ოქრომჭედლობის ნიმუშები;ხელნაწერთა ფონდში, ძირითადად, დასავლეთ საქართველოს ეკლესია- მონასტრებიდან შემოსული წიგნები: XI ს. დასაწყისის ეტრატზე შესრულებული სახარება-სამოციქულო და სხვა.

ნანახი ექსპონანტები ქუთაისის სპორტის მუზეუმში:ოლიმპიური თამაშების, მსოფლიოს, ევროპის, ყოფილი სსრკ, საქართველოს საერთაშორისო ტურნირებში მიღებული სხვადასხვა ჯილდოები – ოქროს, ვერცხლის, ბრინჯაოს მედლები, თასები, ვიმპელები, სუვენირები, სპორტული ინვენტარი, ცნობილ სპორტსმენთა ფოტოები და დოკუმენტური მასალა, სპორტულ თემაზე გამოცემული წიგნები, ჟურნალები.

შედეგები:მოსწავლეება იხილეს უამრავი საოცარი ექსპონანტი, განიმტკიცეს მუზეუმში ქცევის წესები; გიდისგან მიიღეს საინტერესო ცნობები თითოეულ ექსპონანტთან დაკავშირებით, რაც ხელს უწყობს მათ ზნეობრივ, ეთიკურ, საზოგადოებისთვის აუცილებელი უნარების ჩამოყალიბებას და მათ ღირსეულ, განათლებულ პიროვნებებად აღზრდას;